Dialett triestin

Quest articol chì l'è scrivuu in lombard, grafia milanesa.

El dialett triestin l'è on dialett de la lengua veneta che l'è parlaa a Triest.
L'è on dialett "recent", perchè fina al XVIII secol a Triest la se parlava on'altra lengua: el Tergestin, che l'era on parlà ben pussee compagn del Forlan.
Ma quand i Austriegh hann faa vegnì Triest vun di sò port pussee important, gh'è rivaa in la città ona motta de gent veneta, che gh'hann portaa la soa lengua. Inscì el Tergestin l'è sparii e l'è rivaa el Triestin: besogna savè che 'l Veneto l'era parlaa giamò intorna a Monfalcon (el bisiacch), a Grado e in de l'Istria.
In del Triestin gh'è ona motta de paroll de origin slava, greca, forlana e todesca.